أكد الإعلامي مصطفى بكري أن الرئيس السيسي لديه العديد من الخطوط الحمراء التي لا يجب أن يتجاوزها أحد، موضحًا أن الجيش مستعد لأي تحدي مردفًا: "جيشنا يقدر يؤدب أي حد، ويربي اللي مربتهوش أمه ".

وقال مصطفى بكري، خلال برنامج حقائق وأسرار المذاع على قناة صدى البلد إن: "الناس زعلانة من بعض ممارسات بعض المسئولين، لأنهم لا يسيرون على نفس نهج الرئيس السيسي، اللي مش هيمشي على نفس نهج الرئيس السيسي علشان مصر تبقى قد الدنيا لا مش عاوزينه".

وتابع مصطفى بكري: "اللي يهمني البلد والراجل اللي بيبذل كل الجهد، لو أي شيء غير ما يريده الرئيس السيسي هنشوف بلاوي، الإخوان وغيرهم ممكن يرجعوا تاني، طيب في أماكن انطفأ فيها الأمل، أقو ل لك يا سيادة الرئيس من قلب رجل محب، لازم التغيير لبعض الأشخاص غير المسئولين لأنهم لا يعملوا لصالح الوطن، عاوزين ناس قلبها على الشعب، زي ما قلبك على الناس، مش كل واحد يجيب شلته وفي الآخر يفشلوا".

وأكمل: "حضرتك يا سيادة الرئيس المنقذ لأنك شلت حاجات كثيرة مشيت بيها، أنت المنجز لأنك نفذت العديد من المشروعات، نريد ناس قلبها على البلد، أقول الكلمة دي حبا للوطن، أقولها لك لأني عارف حبك الصادق للوطن وغيرتك عليه، نريد مسئولين قلبها على الوطن والشعب".